Форум православного портала КЕЛИЯ


81222 Сообщений в 8369 Темах, 1082 зарегистрированных посетителей, 63 посетителей сейчас (0 зарегистрированных, 63 гостей)
Рекорд посещаемости форума: 314 пользователей и гостей в 21:46 13.02.11
Самая популярная тема по количеству ответов: Христос среди нас (525)
Самая популярная тема по количеству просмотров: Христос среди нас (332209)

 

ФОТОГАЛЕРЕЯ
пользователей
форума

(тестовая версия)

МОЛИТВЫ КО ПРЕСВЯТОЙ БОГОРОДИЦЕ (ДУШЕСПАСИТЕЛЬНОЕ ЧТЕНИЕ)

отправлено Александр Д.(R) Веб-страница Почта, Москва, 03.10.2017, 10:01

МОЛИТВЫ КО ПРЕСВЯТОЙ БОГОРОДИЦЕ НА ВСЯКИЙ ДЕНЬ СЕДМИЦЫ
ПОДВИЖНИКА НИЛО-СОРСКОЙ ПУСТЫНИ ИЕРОСХИМОНАХА НИЛА


В ВОСКРЕСЕНИЕ
Всемилостивая Дево Богородице, Мати щедрот и человеколюбия, прелюбезная надеждо и упование мое! О, Мати пресладкаго, превожделеннаго и всяку любы превосходящаго Спасителя Иисуса Христа, человеколюбца и Бога моего, Свете помраченныя души моея! К Тебе аз многогрешный и безнадежный припадаю,Тебе молюся, Источнице Милосердия, Дево Марие яже бездну милосердия и пучину щедрот и человеколюбия родшая; помилуй мя, помилуй мя вопию ти болезненно, помилуй всего уязвленнаго, в лютыя разбойники впадшаго, и от одежды, в ню же облече мя Отец, увы мне, обнаженнаго, Тем и лежу наг всякаго благотворения, возсмердеша и согниша раны моя от лица безумия моего. Владычице моя, Богородице, молю Тя смиренно, воззри на мя милостивым Твоим оком и не возгнушайся мене всего,помраченнаго, всего оскверненнаго, всего в тине сластей погруженнаго, люте падшаго и возстати не могущаго. Умилосердися убо на мя и даждь ми руку помощи, воздвигни мя из глубины греховныя о, Радосте моя! Избави мя от обышедших мя; просвети лице Твое на раба Твоего, спаси погибающаго, очисти оскверненнаго, возстави падшаго люте: можеши бо вся, яко сущи Мати Бога всемогущаго. Излей на мя елей милосердия Твоего, и вино умиления точити ми подаждь: Тебе бо воистину едину надежду стяжах в животе моем: не отрини убо мене к Тебе притекающаго, но виждь скорбь мою, Дево, и души желание, и сие приими и спаси мя, Ходатаице спасения моего. Аминь.

В ПОНЕДЕЛЬНИК
От скверных уст приими моление, о, нескверная, чистая и пречистая Дево Богородице и не возгнушайся моих словес, о, радосте моя, но призри на мя, помилуй, Мати Зиждителя моего! Во время живота моего не остави мене: веси бо, Владычице, яко на Тя всю мою надежду возлагаю, и все упование мое о Тебе есть. Тем и во время смерти моея предстани ми, Помощнице моя, и не посрами мене тогда. Вем бо, вем, Дево, яко многих грехов повинен есмь, окаянный и трепещу, помышляя час оный: но, Радосте моя, яви ми тогда лице Твое, удиви на мне милость Твою, Ходатаице спасения моего; изми мя, Владычице, от лютости бесовския, и страшнаго и грознаго испытания воздушных духов, и злобы их избави, и всю тогдашнюю скорбь и печаль на радость преложи, Твоим просвещением. И сподоби безбедно прейти ми начала и власти тьмы и достигнути поклонитися на престоле славы седящему Христу и Богу нашему со безначальным Его Отцем и Пресвятым Духом, во веки. Аминь.

ВО ВТОРНИК
О, Пресвятая Владычице моя Богородице, Ангелов и Архангелов, Херувимов и Серафимов пречестнейшая и всех святых пресвятейшая, Дево Мати Божия! Спаси мя, смиреннаго и грешнаго раба Твоего: Ты бо веси, всемилостивая Госпоже, яко всю мою надежду по Бозе на Тя возлагаю, и несть ми инаго прибежища спасительнаго, токмо Ты, Всеблагая; Ты моя крепость, Владычице, Ты моя и сила, Ты мое радование в скорбех, Ты мое пристанище во искушениях, Ты мое исправление в падениях, Ты и спасение мое всенадежное, о, Мати Зиждителя и Господа моего! Помози ми, плавающему в пучине жития сего, люте обуреваемому и бедствующему от потопления греховнаго. Даждь ми руку помощи, Помощнице моя, и избави мя от тимения глубины, да не погрязну в бездне отчаяния: буря бо грехов и страстей возста на мя, и волны беззаконий погружают мя. Но Ты, милосердная Мати, пристанище безстрастия, настави и спаси мя, безнадежных Надежде и Ходатаице спасения моего. Аминь.

В СРЕДУ
Богородице, Ты еси упование мое, Ты ми еси стена и благонадежное пристанище и спасительное прибежище, утомляемому страстей нахождением. Спаси мя от всех враг моих, гонящих душу мою и ловящих ю различными искушениями: на пути бо сем, по нему же хожду, многия сети сокрыша ми; многия соблазны, многия неудобства, многия, многия прелести, многия немощи душевныя и телесныя уловляют мя в падения греховныя. И уже аз окаянный впадох в сети вражия, и связан и держим есмь ими: и что сотворю, отчаянный аз, недоумею. Аще бо восхощу покаятися, нечувствием и ожесточением одержим есмь, аще же плакати понуждаюся, не имам сокрушения сердечнаго и слез ни поне единыя капли. Увы, окаянства моего! Увы, бедности моей! Увы, лишения моего! К кому убо прибегну прочее повинен аз? Токмо к Тебе, благоутробная Мати Господа и Спаса нашего, ненадежных надеждо, стено и покрове к Тебе притекающих! Не отрини убо мене сквернаго: Тебе бо едину в жизни моей стяжах утеху, Дево Марие Богородице, и к Тебе единей во всякой нужде прибегаю со дерзновением: не остави убо мене в жизни сей и во время смерти моея предстани в помощь, Помощнице моя, да узрят Тя вси врази мои и постыдятся, Тобою побеждении, Владычице, Ходатаице спасения моего. Аминь.

В ЧЕТВЕРГ
Кто Тебе по достоянию ублажити может Пресвятая Дево, кии уста воспети способны Твое величие, всяк смысл превосходящее? Вся преславная о Тебе содеянная таинства, Богородице, выше смысла и слова суть; красоте Девства Твоего и пресветлой чистоте Твоей удивишася Херувими и ужасошася Серафимы; чудесе бо рождества Твоего нетленнаго ни человеческий, ни ангельский язык изрещи может. От Тебе бо безлетный и единородный Сын Божий, Бог Слово, неизреченно воплощся, родился и с человеки поживе, и Тя, яко Матерь Свою, зело возвеличи, Царицу Тя всея твари показа, нам же известное спасения пристанище. Тем вси под кров Твой притекающий, различными скорбями и болезнями одержимии, приемлют от Тебе богатно утешение и исцеление, и Тобою от бед спасаются: Ты бо воистину Мати всех скорбящих и обремененных, печальных радость, больных целительница, юных хранительница, старости жезл, праведных похвала, грешных спасения надежда и к покаянию путеводительница: всем бо всегда предстательством Твоим помогаеши и всех заступаеши Всеблагая, прибегающих к Тебе с верою и любовию. Ты и мне помози отчаянному деяний моих ради, Заступнице усердная рода христианскаго; заступи мя, да не до конца погибну во гресех; ибо не имам иного прибежища и покрова, разве Тебе, Владычице Мати Живота; не остави убо мене и не презри мя, но ими же Сама веси судьбами, спаси мя, яко благословенна еси во веки веков. Аминь.

В ПЯТОК
Тебе предаю в защищение живот мой и по Бозе всю надежду спасения моего на Тя возлагаю, Владычице Дево Богородице. Молю Тя, раб Твой, не презри мя многия грехи имущаго, но виждь скорбь мою о сем и недоумение и подаждь ми ослабу и утешение, да не до конца погибну. Простри десницу Твою, Чистая, изми мя от тимения дел моих и постави на чистую пажить заповедей Христа, Царя и Бога моего, да творю я присно, Тобою укрепляем. От грехов моих лютых избави мя, Владычице, и покаяние спасительно мне ниспосли, к Своему Сыну и Богу Матерним ходатайством Твоим. Свет неизреченный возсиявшая, просвети мою тьму душевную, грехов ей прибывшую, Радосте моя, избави мя от обышедших мя невидимых врагов; грехи бо мои мнози и тяжки суть, врази мои люти зело, смерть близь, совесть моя мя обличает, геенна огненная устрашает, червь неусыпаемый, скрежет зубный, тартара тьма кромешняя в трепет мя приводит, ибо ожидают мя прияти, злых дел моих ради, Увы мне! что сотворю тогда и к кому прибегну, да спасена будет душа моя! К Тебе единей, сладкая Марие Богородице, услаждающая, на Тя уповающим, горесть смерти, и избавляющая взывающих к Тебе от лютыя геены. Ты и мне помози, Всеблагая, не имущему тогда иныя помощи, токмо Тебе, Всепетая. Спаси мя от ужасов смертнаго часа и лютости тогда бесовския, спаси мя от власти духов злобных на мытарствах воздушных по смерти: яви, молю Тя, яви ми тогда пресветлое лице Твое, Владычице, и не остави мя безпомощнаго. О, милосердная Мати! Преклонися на милость ко мне лишенному милости от дел моих и умоли Его же родила еси плотию Христа, Спасителя и Бога нашего, нас ради на кресте пречистую кровь Свою излиявшаго, да и аз причастник буду заслуг Его крестных пред Отцем Его и их ради получу грехов прощение и вечное спасение и прославлю неизреченное милосердие Твое, Богородице, и Твое милостивое предстательство в безконечныя веки. Аминь.

В СУББОТУ
Радуйся, Дево Богородице, пристанище и предстательство убогия души моея, надеждо сладкая спасения моего! Радуйся, радость от Ангела приемшая в благовещении имеющаго воплотитися от Тебе Бога Слова! Радуйся, всех Зиждителя в Твоих ложеснах носившая! Радуйся, Бога плотию рождшая, миру Спасителя! Радуйся, в рождестве девство нетленно сохранившая! Радуйся, от волхвов дары приемшая и поклонение их от Тебе рождшемуся видевшая, и пастырей преславная о Нем словеса слышавшая и в сердце Твоем слагавшая! Радуйся, отрока Иисуса, Сына Твоего и Бога во храме, среди законоучителей, обретшая радостно! Радуйся, болезни лютыя в страдании крестном, распятии и смерти Сына Твоего и Бога, со ученики Его во славе небесней видевшая! Радуйся, от Него ниспосланнаго Духа Святаго, в горнице Сионстей в виде огненных языков нисшедшаго, со ученики Господни приемшая! Радуйся, на земле ангельски пожившая! Радуйся, чистотою и святынею вся ангельския чины и всех святых лики превосходящая! Радуйся, возвеличенная славою пришествием к Тебе Сына Твоего и Бога! Радуйся, Того святым рукам душу мою радостно предавшая! Радуйся, славно превознесенная Твоим на небеса с телом восшествием! Радуйся, по представлении Твоем боговидцем Апостолом в третий день явльшаяся! Радуйся, на небесех от Отца и Сына и Духа Святаго диадемою вечнаго царствия увенчанная! Радуйся, от всех небесных сил приснопеваемая!Радуйся, близ престола Пресвятыя Троицы на престоле славы возседящая! Радуйся, Бога с человеки примирения виновнице! Радуйся! небесными и земными господствующая Царице! Радуйся, яко ничтоже невозможно есть Твоему ходатайству! Радуйся, яко вси верно к Тебе претекающии спасаются! Радуйся, яко Тобою скорбящии утешение, болящии исцеление, бедствующии благовременну помощь получают! Молю убо Тя, обрадованная Владычице, по- треби и во мне печаль греховную и даждь ми радость спасения, даждь ми слезы утешительныя, умиление всегдашнее, покаяние истинное и исправление совершенное. Не возгнушайся мене, Владычице, но приими милостиво сии гласы радостныя, мною убогим Тебе приносимыя, и предстани ми в помощь во время безпомощия моего в час страшный оный, егда разлучитися имать душа моя от окаяннаго моего тела; тогда, молю, предстани ми в помощь и избави мя, повиннаго во гресех, наказания за них вечнаго, да не явлюся радование бесов и пища геенне огненной. Ей, Владычице моя, не попусти узрети души моей страшнаго и грознаго прещения и истязания демонскаго, грешникам уготованнаго, но предвари и спаси мя раба Твоего в час оный ужасный, да славлю Тя во веки, едина надежда моя и Ходатаице спасения моего. Аминь.

БЛАЖЕННЫЙ СТАРЕЦ НИЛ НИЛО-СОРСКИЙ
1801-1870
Составитель "Молитвы ко Пресвятей Богородице на всякий день недели" был великим духоносным мужем Русской Церкви 19 века, занимая важное место в общем потоке духовного возрождения, начатого великим старцем Паисием Величковским, последователи которого принесли пожалуй самый обильный расцвет святости на Руси.
Блаженный старец Нил вошел в историю как возобновитель скитской обители великого старца преподобного Нила Сорского, который впервые принес русскому народу со Святой Горы Афонской "Устав Скитского Жительства". Хотя новому Нилу и не пришлось вновь установить былую славу обители великого Нила, однако его болотистая северная пустыня все же прозябла обильный плод в лице миру - не ведомых великих рабов Божиих пред историческим исчезновением Святой Руси. Так бывают дивные озарения и игра света в небесных сводах перед самым закатом солнца.
Блаженный старец Нил с детских лет впитавший дух через посещавших отцовский дом паисиевских учеников, долгие годы провел в совместном труде восстановления Ниловой пустыни со старцем Тимоном, который жил под духовным руководством преподобного Серафима Саровского. Эти два великих угодника Божия и были теми благодатными лучами, под воздействием коих и сформировался будущий печальник земли русской и кандидат во святые.
Родился иеросхимонах Нил (Прихудалов) 21 ноября 1801 года в многочисленной сельской семье во Владимирской губернии. Отец его был в переписке с великим старцем Паисием, который считал его "верно понимающим учение духовное" и направлял к нему людей с духовными вопросами. Ушел из мира молодой Николай, будущий О. Нил сначала поступив в соседнюю Флорищеву пустынь, после перешел в Кривоезерскую обитель на Волге и оттуда был назначен настоятелем Кирило-Белозерского монастыря на должность строителя Нило-Сорской пустыни, где и провел большую часть всей своей жизни. Много невзгод перенес он, привел в отличный вид и состояние пустыню преподобного Нила, который за это лично его отблагодарил.
На постройку обветшалых храмов пустыни много помогала графиня - тайная монахиня - Анна Орлова-Чесменская, духовный руководитель которой был, еще по сей день должно не оцененный пламенный защитник чистоты святого православия Архимандрит Юрьевского монастыря Фотий. Этот подвижник и прозорливец вошел в историю как истинный исповедник, борющийся с врагами Православной Церкви: протестантами, масонами и "экуменистами" того времени - библейским обществом.
О. Нил был искусным иконописцем древнего письма, а также талантлив на сложение церковных молитв и песнопений.
Среди насельников его обители были поистине святые мужи как: братия Сергий и Феофан, монахи Илия и Николай. Но самым замечательным был смиренный послушник, увечный рясофорный монах Иоанн, обладавший даром прозорливости и даже ходившим по водам.
Сам старец Нил тоже проявлял дар прозорливости и перед своей кончиной, живя в уединении на месте келлии преподобного Нила, не раз испытывал явления невидимого духовного мира. Он был великим постником и молитвенником. После своей праведной и мирной кончины, последовавшей 19 июля 1870 года, Отец Нил явился одному из своих братий и сказал: "Не скорби о мне отец Симеон, я удостоился милости Божией", а игумения Горницкого Воскресенского женского монастыря Маврикия, после своей кончины явилась во сне одной из своих сестер и велела объявить сестрам что она находится теперь в "блаженной обители, уготованной старцу иеросхимонаху Нилу". Были случаи исцелений на гробнице его, точно как у великих прославленных святых.
Да поможет нам Господь, молитвами блаженного старца Нила Нилосорского, стоять на страже хранения истового Православия и удостоиться спасения о Господе. Аминь.

---
[image]


Все сообщения в этой теме:

Яндекс цитирования

Дорогие братия и сестры!
Просим ваших святых молитв за рабов Божиих, благодаря чьим безвозмездным усилиям существует и развивается наша КЕЛИЯ:
Александр, Роман, Александр, Наталия 
Спаси Господи!

Проект основан 19 мая 2006 года